ព័ត៌មាន

ក្រោយពីប្រជាជនកម្ពុជា បាននាំគ្នាធ្វើពហិការមិនប្រើប្រាស់រាល់ផលិតផល ដែលមានប្រភពមកពីប្រទេសថៃ ថ្មីៗនេះឃើញមានផលិតផលថៃ មួយចំនួន ដូចជាទឹកដោះគោ និងចំណីអាហារជាដើម បានដាក់លក់បញ្ចុះតម្លៃយ៉ាងច្រើននៅតាមទីផ្សារនានា។ បញ្ហានេះកំពុងបង្កផលប៉ះពាល់យ៉ាងខ្លាំងដល់ក្រុមហ៊ុនផលិត និងនាំចេញផលិតផលថៃ មកកាន់ទីផ្សារកម្ពុជា។ អ្នកជំនាញផ្នែកសេដ្ឋកិច្ច និងអ្នកតាមដានស្ថានការណ៍សង្គមបានចាត់ទុកការធ្វើពហិការផលិតផលថៃនេះ អាចនឹងក្លាយជាចលកររុញច្រានអ្នកវិនិយោគបរទេសនៅក្នុងប្រទេសថៃ ឱ្យបោះទុនវិនិយោគនៅកម្ពុជា។