ព័ត៌មាន

នៅពីក្រោយការកើនឡើង នៃតម្លៃស្រូវនៅរដូវប្រមូលផលឆ្នាំនេះ កសិករនៅតែបន្តប្រឈមនឹង​បញ្ហាជាច្រើន ដែលធ្វើឱ្យការរំពឹងទុកទទួលបានប្រាក់ចំណេញពីការធ្វើស្រែនៅមានកម្រិត​។ ទោះបីតម្លៃស្រូវមានការកើនឡើងជាងឆ្នាំមុនក៏ដោយ តែការកើនឡើងនៃថ្លៃដើមផលិតកម្ម ទឹកជន់លិច និងអាកាសធាតុមិនអំណោយផល បានគំរាមកំហែងដល់ទិន្នផលស្រូវ និងប្រាក់ចំណេញរបស់កសិករ។ ទន្ទឹមនឹងនេះកសិករស្នើឱ្យរដ្ឋាភិបាលពិចារណាដាក់ចេញយន្តការរក្សាស្ថិរភាពតម្លៃស្រូវនៅលើទីផ្សារ ដើម្បីធានាឱ្យពួកគេទទួលបានប្រាក់ចំណេញសមរម្យពីការធ្វើស្រែ។