ព័ត៌មាន

របាយការណ៍ប្រចាំឆ្នាំរបស់ក្រុមហ៊ុនផ្តល់ទិន្នន័យអាកាសចរណ៍អង់គ្លេស OAG បាន បង្ហាញថា ក្នុងចំណោមផ្លូវហោះហើរអន្តរជាតិ ដ៏មមាញឹកបំផុតទាំង១០របស់ពិភពលោកប្រចាំឆ្នាំ២០២៤ គឺមានរហូតដល់៧ទៅហើយដែលស្ថិតនៅអាស៊ី-ប៉ាស៊ីហ្វិក ហើយចំណាត់ថ្នាក់លេខ១ គឺបានទៅលើផ្លូវហោះហើរអន្តរជាតិទៅមករវាងអាកាសយានដ្ឋានអន្តរជាតិហុងកុង និងអាកាសយានដ្ឋានអន្តរជាតិ ក្រុងតៃប៉ិ ដែលនេះ ជាសញ្ញាវិជ្ជមានបង្ហាញពីការស្ទុះងើបឡើងវិញយ៉ាងរឹងមាំផ្នែកធ្វើដំណើរនៅអាស៊ី។ នេះបើយោងតាមការចុះផ្សាយរបស់សារព័ត៌មានអន្តរជាតិ ដ៏ល្បីល្បាញ Bloomberg។