ព័ត៌មាន

ដំណាំស្វាយចន្ទី ត្រូវបានចាត់ទុកជាដំណាំយុទ្ធសាស្រ្តមួយរបស់កម្ពុជា និងជាដំណាំដែលមានសក្តានុពលខ្ពស់សម្រាប់ការនាំចេញ និងការកែច្នៃ។ ជាមួយគ្នានេះកម្ពុជាតាមរយៈគោលនយោបាយជាតិ ស្តីពីស្វាយចន្ទី ឆ្នាំ២០២២-២០២៧ បានកំណត់គោលដៅទាញយកគ្រាប់ស្វាយចន្ទីស្រស់ក្នុងស្រុកមកកែច្នៃឱ្យបាន២០%នៃផលិតស្វាយចន្ទីសរុប។ យ៉ាងណាមិញមន្ត្រីជាន់ខ្ពស់នៃក្រសួងកសិកម្ម ជឿជាក់ថា កម្ពុជានឹងអាចសម្រេចបានលទ្ធផលលើសផែនការដែលបានកំណត់២៥%នេះដ្បិតថា បច្ចុប្បន្នមានគ្រាប់ស្វាយចន្ទីប្រមាណ១២% ត្រូវបានកែច្នៃក្នុងស្រុក។