នាយករដ្ឋមន្ត្រី​អេស្តូនី៖ ខ្ញុំ​​ជិះកង់ទៅធ្វើការជាញឹកញាប់ ឲ្យតែអាកាសធាតុ​អំណោយ​ផល

លោកស្រី Kaja Kallas នាយករដ្ឋមន្ត្រី​នៃប្រទេស​អេស្តូនី (Estonia) បាន​បង្ហោះ​សារ​នៅ​លើ​បណ្ដាញ​សង្គម​ Twitter ថា «ថ្ងៃនេះ ជាថ្ងៃដំបូងហើយ​ដែល​ខ្ញុំ​ជិះកង់ទៅធ្វើការ ចាប់តាំងពីក្លាយជា​នាយករដ្ឋមន្ត្រី​កាលពី​ខែ​មករា ឆ្នាំ​២០២១មក ។»​ លោកស្រីនាយករដ្ឋមន្ត្រី​សរសេរថា កាលនៅជា​តំណាងរាស្ត្រ លោកស្រី​តែងតែជិះកង់ទៅធ្វើការជាញឹកញាប់ ឲ្យ​តែ​អាកាសធាតុ​អំណោយផល ។ លោកស្រីសង្ឃឹមថា នឹងជិះកង់​ទៅធ្វើការ​ឲ្យបានញឹកញាប់​ថែមទៀតនៅរដូវ​ក្ដៅ​នេះ ។ លោកស្រីនាយករដ្ឋមន្ត្រី​និយាយថា «ការជិះកង់ទៅធ្វើការ គឺ​ជា​ការចាប់ផ្ដើម​ដ៏ល្អ​នៃ​ថ្ងៃ ។» អេស្តូនី ធ្លាប់ជាផ្នែកមួយនៃសហភាព​សូវៀត ។ សព្វ​ថ្ងៃ​ជាសមាជិក​នៃ​សហភាពអឺរ៉ុប អេស្តូនី មានប្រជាជនតែ ជាង ១,៣លាននាក់ប៉ុណ្ណោះ ៕