មេដឹកនាំ​រដ្ឋប្រហារយោធា​ភូមា លោក មីន អ៊ុងឡាំង បានទៅដល់​ឥណ្ឌូនេស៊ីហើយ ដើម្បីប្រជុំកំពូលអាស៊ាន

លោក មីន អ៊ុងឡាំង មេដឹកនាំ​រដ្ឋប្រហារយោធា​ភូមា បាន​ធ្វើដំណើរ​ទៅដល់​ប្រទេស​ឥណ្ឌូនេស៊ីហើយ នៅព្រឹក​ថ្ងៃសៅរ៍ ទី ២៤ ខែមេសា ឆ្នាំ២០២១ ដើម្បី​ចូលរួម​ក្នុងកិច្ចប្រជុំ​កំពូលអាស៊ាន ដែលនឹង​ពិភាក្សា​អំពី​វិបត្តិ​ភូមា ដែលមាន​កំពូលមេដឹកនាំ​ប្រទេស​ជាសមាជិកអាស៊ាន​ចូលរួម។ ប៉ុន្ដែ ក្នុងនោះ ក៏អវត្តមាន​កំពូលមេដឹកនាំពីររូប គឺប្រធានាធិបតី​ហ្វីលីពីន និងនាយករដ្ឋមន្ត្រីថៃ ដោយ​ប្រទេសទាំងពីរនេះ បានចាត់​រដ្ឋមន្ត្រី​ក្រសួងការប្រទេស​របស់ខ្លួនចូលរួមជំនួសវិញ។ ការមកដល់​នៃរបស់​ លោក មីន អ៊ុងឡាំង នៅលើ​ទឹកដីប្រទេសឥណ្ឌុនេស៊ីនេះ ក៏មាន​ការ​ពង្រឹង​ផ្នែកសន្ដិសុខ​យ៉ាងម៉ត់ចត់ផងដែរ ដើម្បីធានា​សុវត្ថិភាព​មេដឹកនាំរូបនេះ។ នេះបើតាម​ការរាយការណ៍ដោយសារព័ត៌មាន Nikkei។