កឹម សុខា ជួបទូត​សហភាពអឺរ៉ុប​ ខណៈអឺរ៉ុបទុកពេល១ខែ ឲ្យ​កម្ពុជាឆ្លើយតប​រឿង EBA

នៅថ្ងៃពុធ ទី១៣ ខែ​វិច្ឆិកា​នេះ លោក កឹម សុខា បាន​ជួប​ឯកអគ្គរដ្ឋទូត​សហភាព​អឺរ៉ុប លោកស្រី Carmen Moreno មួយថ្ងៃបន្ទាប់​ពី​គណៈកម្មការ​អឺរ៉ុប​បាន​បញ្ចប់​នូវ​របាយការណ៍​បឋម​ស៊ើបអង្កេត​របស់​ខ្លួន អំពី​ប្រព័ន្ធ​អនុគ្រោះពន្ធ EBA សម្រាប់​កម្ពុជា កាលពីថ្ងៃទី១២ វិច្ឆិកា និង​ទុកពេល​ឲ្យ​កម្ពុជា ០១ខែ ដើម្បី​ឆ្លើយតប មុន​ថា សម្រេច​ដក EBA ឬ​អត់ ពីកម្ពុជា នៅ​ខែកុម្ភៈ ឆ្នាំក្រោយ។ ក្រោយជំនួប​នេះ ​លោក កឹម សុខា ​មិន​បាន​ធ្វើ​អត្ថាធិប្បាយ​រឿង​នយោបាយ​ទេ ពេល​អ្នក​សារព័ត៌មាន​សួរ ក៏​ប៉ុន្តែ បាន​និយាយ​ថា សុខភាព​របស់​លោក​ត្រូវការ​ពិនិត្យ​និង​ព្យាបាល៕ 

អានព័ត៌មានទាក់ទង ៖ អ្នក​រាយការណ៍​ពិសេស អ.ស.ប ទទូច​ដល់​រដ្ឋាភិបាល​និង​បក្ស​នយោបាយ កាត់​បន្ថយ​ការ​រីករាល​ដាល​ភាព​តានតឹង