កិច្ចព្រមព្រៀងសន្តិភាពអាម៉េរិក-អ៊ីរ៉ង់ធ្លាក់ក្នុងភាពមិនច្បាស់លាស់ ក្រោយការចរចានុយក្លេអ៊ែនៅស្វីស ត្រូវបានផ្អាក
ដោយ
ពន្លឺសន្តិភាពនៅតំបន់មជ្ឈិមបូព៌ាហាក់ស្រអាប់ទៅវិញ ខណៈអនុប្រធានាធិបតីអាម៉េរិកលោក ជេឌី វេន (JD Vance) បានពន្យារពេលដំណើរទៅកាន់ប្រទេសស្វីស សម្រាប់ការចរចានុយក្លេអ៊ែជុំថ្មីជាមួយអ៊ីរ៉ង់។ ភាពស្រអាប់នេះបានកើតឡើងនៅប៉ុន្មានថ្ងៃក្រោយទីក្រុងវ៉ាស៊ីនតោន និងទីក្រុងតេអេរ៉ង់បានឈានដល់កិច្ចព្រមព្រៀងបណ្ដោះអាសន្ន ដើម្បីផ្អាកសង្គ្រាម។ ទោះជាយ៉ាងណា ស្ថានការណ៍នៅលើសមរភូមិជាក់ស្តែងនៅតែមិនទាន់ស្ងប់ស្ងាត់ឡើយ ដោយអ៊ីស្រាអែលនៅតែបន្តប្រតិបត្តិការយោធាយ៉ាងក្តៅគគុក ដើម្បីតាមកម្ចាត់ក្រុមហេសបូឡា នៅក្នុងប្រទេសលីបង់។