#ជម្លោះកម្ពុជា ថៃ

ប្រទេសថៃ ដែលជាអ្នកចាប់ផ្ដើមបញ្ឆេះសង្គ្រាមព្រំដែនជាមួយកម្ពុជា បានបង្ហាញពីការរំពឹងទុកនៅថ្ងៃទី ១៩ ខែធ្នូនេះថា នឹងអាចមានបទឈប់បាញ់ជាមួយកម្ពុជា នៅមុនថ្ងៃបុណ្យណូអែល ឬមុនថ្ងៃទី ២៥ ខែធ្នូនេះ ប៉ុន្ដែ ទីក្រុងបាងកក នៅតែប្រកាន់ជំហរឱ្យកម្ពុជា ត្រូវតែទទួលយកលក្ខខណ្ឌចំនួន ៣ចំណុច ដែលភាគីថៃ បានកំណត់ដោយឯកតោភាគីនោះជាមុនសិន ទើបអាចចរចាបទឈប់បាញ់បាន។ នេះបើតាមការចុះផ្សាយរបស់សារព័ត៌មានថៃ The Nation ដែលបានស្រង់ប្រភពព័ត៌មានពីមជ្ឈមណ្ឌលព័ត៌មានរួមសម្រាប់ស្ថានការណ៍ ថៃ-កម្ពុជា ដែលជាស្ថាប័នស្ថិតក្រោមការគ្រប់គ្រងដោយរដ្ឋាភិបាលថៃ ។