#ជម្លោះព្រំដែន

លោក ធួន ស៊ីណាន អ្នកតាមដានស្ថានការណ៍សង្គមមើលឃើញថា ថៃបានបំពានគ្រប់បន្ទាត់ក្រហមនៃក្រឹត្យក្រមសីលធម៌ក្នុងឋានៈជាប្រទេសដែលខ្លួនតែងតែអួតហួសមាឌថា មានអរិយធម៌ខ្ពង់ខ្ពស់ ដោយបានប្រែក្លាយជម្លោះព្រំដែនជាមួយកម្ពុជាទៅជាការប្រមាថសាសនាយ៉ាងធ្ងន់ធ្ងរ ផ្អើលអស់ឋានទាំង៣។ ដើមឡើយវាគ្រាន់តែជាភាពតានតឹងផ្នែកព្រំដែនរវាងកម្ពុជា-ថៃ ដែលមានជំហរផ្ទុយគ្នាស្រឡះជុំវិញការប្រើប្រាស់ផែនទី និងសេចក្តីថ្លែងការណ៍ប៉ុណ្ណោះ។ ក្រោយមកភាពតានតឹងនេះបានវិវត្តទៅជាជម្លោះ ដែលឈានដល់ការប្រើកម្លាំងយោធាជំនួសឱ្យការសន្ទនាក្នុងនាមជាប្រទេសជិតខាង។