#ទីផ្សាររ៉ែកម្រ

រដ្ឋបាលរបស់ប្រធានាធិបតីអាម៉េរិក ដូណាល់ ត្រាំ បានចាប់ផ្ដើមអនុវត្តគោលនយោបាយបែបវាយលុក ដើម្បីបំបែកការគ្រប់គ្រងផ្ដាច់មុខរបស់ចិន លើទីផ្សាររ៉ែយុទ្ធសាស្ត្រកម្រិតពិភពលោក រាប់ចាប់ពីការស្តុកទុកលោហៈតម្លៃ១២ពាន់លានដុល្លារ រហូតដល់ការបង្កើតសម្ពន្ធមិត្ត និងខ្សែច្រវាក់ផ្គត់ផ្គង់ ដែលមិនពាក់ព័ន្ធនឹងប្រទេសចិន។ តែយ៉ាងណាអ្នកជំនាញបានព្រមានថា នេះជាដំណើរលើផ្លូវដ៏វែងឆ្ងាយ ដែលត្រូវប្រើពេលរាប់ទសវត្សរ៍ មិនមែនត្រឹមតែមួយអាណត្តិប្រធានាធិបតីឡើយ។