#បទល្មើសឆបោកអនឡាញ

បណ្តាញសារព័ត៌មានអន្តរជាតិធំៗ រួមមាន Reuters, Bloomberg និង South China Morning Post បានចុះផ្សាយដោយដកស្រង់របាយការណ៍របស់អង្គការលើកលែងទោសអន្តរជាតិ ដោយ​វាយតម្លៃថា យុទ្ធនាការបង្ក្រាបបទល្មើសឆបោកអនឡាញរបស់កម្ពុជា បានទទួលបរាជ័យ​។ ភ្លាមៗនោះ អ្នកនាំពាក្យក្រសួងមហាផ្ទៃ បានចេញមុខទាត់ចោលទាំងស្រុង ដោយចាត់ទុកថា ការចុះផ្សាយរបស់សារព័ត៌មានទាំងនេះមានរបៀបវារៈនយោបាយ និងមានចេតនាបង្ខូចកេរ្តិ៍ឈ្មោះកម្ពុជា ខណៈដែលសមត្ថកិច្ចកំពុងបើកប្រតិបត្តិការបង្ក្រាបយ៉ាងក្តៅគគុកដោយមិនរើសមុខ។