#ប្រធានធនាគារកណ្តាលអឺរ៉ុបបដិសេធ

ក្នុងនាមជាអ្នកជំនាញការជាន់ខ្ពស់ផ្នែកសេដ្ឋកិច្ច និងហិរញ្ញវត្ថុដ៏មានឥទ្ធិពលបំផុតមួយរូបរបស់បារាំងលោកស្រី គ្រីស្ទីន ឡាហ្គាត (Christine Lagarde) បានចេញមុខបំភ្លឺជុំវិញពាក្យចចាមអារ៉ាម ដែលថា លោកស្រី អាចនឹងចូលរួមប្រកួតប្រជែងតំណែងប្រធានាធិបតីបារាំង បន្ទាប់ពីលោក អេម៉ានុយអែល ម៉ាក្រុង បញ្ចប់អាណត្តិ។ យោងតាមការចុះផ្សាយរបស់សារព័ត៌មាន Business Times លោកស្រី ឡាហ្គាត បានបដិសេធថា លោកស្រីមិនមែនជាបេក្ខជនប្រធានាធិបតីបារាំងនោះទេ ប៉ុន្តែបានប្ដេជ្ញាចិត្តយ៉ាងមុតមាំក្នុងការបន្តតស៊ូមតិ ដើម្បីការពារ និងគាំទ្រសហភាពអឺរ៉ុប។