តើមានកត្តារាំងស្ទះអ្វីខ្លះបានជាកម្ពុជា មិនទាន់អាចនាំចេញសម្បុកត្រចៀកកាំទៅកាន់ទីផ្សារចិនបាន?
ដោយ
មកទល់ពេលនេះ សម្បុកត្រចៀកកាំរបស់កម្ពុជា នៅពុំទាន់អាចនាំចេញជាផ្លូវការទៅកាន់ទីផ្សារប្រទេសចិន ដោយផ្ទាល់បាននៅឡើយទេ បើទោះបីជាអាជ្ញាធរចិន បានបើកភ្លើងខៀវឱ្យអនុវត្តនីតិវិធីអស់រយៈពេលជាច្រើនខែកន្លងមកនេះក៏ដោយ។ ប្រធានសមាគមត្រចៀកកាំខ្មែរបានអះអាងថា បច្ចុប្បន្នម្ចាស់អាជីវកម្មកំពុងស្ថិតក្នុងដំណាក់កាលបំពេញតាមលក្ខខណ្ឌតម្រូវដ៏តឹងរ៉ឹងរបស់គយចិន ប៉ុន្តែនៅមិនទាន់មានការបញ្ជាក់ច្បាស់លាស់ថា ការនាំចេញជាផ្លូវការនឹងត្រូវធ្វើឡើងនៅពេលណានោះទេ។