#ADB បានសន្យាថានឹងផ្ដល់ហិរញ្ញប្បទានបន្ថែមទៀតមកឲ្យកម្ពុជា

ធនាគារអភិវឌ្ឍន៍អាស៊ី ហៅកាត់ ADB បានសន្យាថា នឹងផ្ដល់ហិរញ្ញប្បទានចំនួន ៤០០លានដុល្លារបន្ថែមទៀតមកឲ្យកម្ពុជា ពីលើថវិកា ៤៨០លានដុល្លារ ដែលបានឯកភាពផ្ដល់ជូនកាលពីមុន សម្រាប់ឆ្នាំ២០២៣-២០២៤។ ការសន្យានឹងផ្ដល់ជូនថវិកាបន្ថែមកឲ្យកម្ពុជាពីសំណាក់ធនាគារ ADB នេះធ្វើឡើងនៅក្នុងជំនួបពិភាក្សាការងាររវាងមន្ត្រីជាន់ខ្ពស់ក្រសួងសេដ្ឋកិច្ច និងហិរញ្ញវត្ថុកម្ពុជា ជាមួយថ្នាក់ដឹកនាំជាន់ខ្ពស់ប្រចាំតំបន់អាស៊ីអាគ្នេយ៍នៃធនាគារអភិវឌ្ឍន៍អាស៊ី កាលពីថ្ងៃទី ២៧ ខែតុលាឆ្នាំ២០២២។