តើវាសនាមហាសេដ្ឋីចិន Jack Ma នឹងត្រូវខ្ទាតចេញពីក្រុមហ៊ុន Ant Group ដែរឬយ៉ាងណា?
ដោយ
រដ្ឋាភិបាលចិនទើបតែបានពិន័យក្រុមហ៊ុនអាលីបាបារបស់មហាសេដ្ឋីចិន Jack Ma ជិត៣ពាន់លានដុល្លារ ឥឡូវនេះ មហាសេដ្ឋីមាត់រអិល លោក Jack Ma កំពុងរងទុក្ខថ្មីមួយទៀតហើយ។ តើអ្វីជាទុក្ខថ្មី ដែលលោក Jack Ma ត្រូវកំពុងរងគ្រោះពេលនេះ? ទុក្ខថ្មីនេះ គឺ ក្រុមហ៊ុន Ant Group កំពុងស្វែងរកជម្រើសវិធីសាស្ត្រ ដើម្បីធ្វើយ៉ាងណារុញលោក Jack Ma ដែលជាមេក្បាលម៉ាស៊ីនដឹកនាំរបស់ខ្លួន ឲ្យខ្ទាតចេញពីក្រុមហ៊ុននេះ ពោលគឺតម្រូវឲ្យលោក Ma លក់ភាគហ៊ុនចេញ ហើយបោះបង់ចោលនូវតួនាទីគ្រប់គ្រងទាំងអស់។