#ពាណិជ្ជកម្មរវាងកម្ពុជា-ឡាវ

អគ្គិសនីដែលកម្ពុជាកំពុងប្រើប្រាស់នាពេលបច្ចុប្បន្នមានប្រមាណ ៦១% ជាថាមពលអគ្គិសនីស្អាត ឬថាមពលកកើតឡើងវិញ ដោយក្នុងចំណោមថាមពលស្អាតជាង ៦០% ថាមពលដែលផលិតនៅកម្ពុជាមានរហូតដល់ជាង ៤០% ហើយក្រៅពីនោះ ជាថាមពលដែលនាំចូលពីប្រទេសជិតខាង ដោយក្នុងនោះឡាវគឺប្រភពនាំចូលថាមពលមួយរបស់កម្ពុជា ផងដែរ។ រាជរដ្ឋាភិបាលកម្ពុជា បានចាត់ទុកប្រទេសឡាវ គឺជាធុងអាគុយ នៃអគ្គិសនីសម្រាប់តំបន់អាស៊ាន ហើយកម្ពុជា ក៏ជាទីផ្សារមួយដែលតែងតែមានតម្រូវការអគ្គិសនីពីប្រទេសឡាវ ផងដែរ។