#ភ្នំពេញ-សៀមរាប

ថ្នាក់ដឹកនាំក្រសួងសាធារណការនិងដឹកជញ្ជូនបានគូសបញ្ជាក់ថា មានក្រុមហ៊ុនចំនួន៤បានដាក់ពាក្យស្នើមកកាន់ក្រសួងសាធារណការ និងដឹកជញ្ជូនដើម្បីសុំសិក្សាគម្រោងសាងសង់ផ្លូវល្បឿនលឿនពីភ្នំពេញទៅសៀមរាប។ ប្រសិនបើគម្រោងនេះលេចចេញជារូបរាងមែននោះ វានឹងក្លាយជាគម្រោងផ្លូវល្បឿនលឿនទី៣របស់កម្ពុជា បន្ទាប់ពីផ្លូវល្បឿនលឿនភ្នំពេញ-ក្រុងព្រះសីហនុ ដែលបានដាក់ឲ្យដំណើរការជាផ្លូវការកាលពីពេលថ្មីៗ និងគម្រោងទី២ ផ្លូវល្បឿនលឿនភ្នំពេញ-បាវិត ដែលគ្រោងចាប់ផ្ដើមសាងសង់នៅឆ្នាំ២០២៣។