#​ភូមា​

រដ្ឋាភិបាលស្រមោលភូមា ដែលបង្កើតឡើងដោយក្រុមអ្នកនយោបាយប្រឆាំងនឹងរបបសឹក នៅថ្ងៃច័ន្ទទី១៨តុលា បាននិយាយស្វាគមន៍ការសម្រេចរបស់អាស៊ានក្នុងការមិនអញ្ជើញលោក មីន អ៊ុងឡាំង មេដឹកនាំយោធាភូមា ឲ្យចូលរួមក្នុងជំនួបកំពូលអាស៊ានដែលធ្វើឡើងនៅចុងខែតុលានេះ។ ទន្ទឹមនឹងការស្វាគមន៍នេះ រដ្ឋាភិបាលស្រមោលនេះ បាននិយាយថា ពួកគេផ្ទាល់គួរតែក្លាយជាអ្នកតំណាងស្របច្បាប់របស់ប្រទេស ក្នុងការចូលរួមជំនួបកំពូលអាស៊ានលើកនេះ ជំនួសវិញ ទើបជាការស័ក្ដិសម។ នេះបើតាមការចុះផ្សាយដោយសារព័ត៌មានរ៉យទ័រ។