#ពិភពលោកកំពុងប្រទះវិបត្តិអតិផរណាដ៏អាក្រក់បំផុតក្នុងប្រវត្តិសាស្ត្រនៃមនុស្សជាតិ

បច្ចុប្បន្នមនុស្សជាតិនៅទូទាំងពិភពលោក កំពុងជួបប្រទះអតិផរណា កើនឡើងដល់កំរិតមួយ ដែលគេមិនធ្លាប់បានឃើញអស់ពេលជាច្រើនទសវត្សរ៍ចុងក្រោយនេះ ជាហេតុធ្វើឱ្យតម្លៃទំនិញប្រើប្រាស់ចាំបាច់នានា អាហារ ថ្លៃចំណាយស្នាក់នៅ និងធ្វើដំណើរឡើងថ្លៃកប់ពពក។ ការអូសបន្លាយ និងវិបត្តិផ្ទួនៗ ធ្វើឱ្យគេសន្មតថា នេះមិនមែនជាចំណុចអាក្រក់បំផុតទេ ពោលគឺ សេណារីយ៉ូអាក្រក់ ដែលជះផលលំបាកជាងនេះទៀត ក៏អាចកើតឡើងបានដែរនាពេលខាងមុខនេះ។ តើមូលហេតុអ្វីធ្វើឱ្យមនុស្សជាតិដើរមកដល់ដំណាក់កាលនេះ? ចម្លើយពីរម៉ាត់យ៉ាងខ្លី នោះគឺ ជំងឺរាតត្បាត និងភ្លើងសង្គ្រាម។