#ពលរដ្ឋខ្មែរនៅជប៉ុន

ក្រសួងការបរទេស និងសហប្រតិបត្តិការអន្តរជាតិ បានអះអាងថា គិតត្រឹមវេលាម៉ោង១០ព្រឹក ថ្ងៃទី២ ខែមករា ឆ្នាំ២០២៤នេះ គឺពុំមានពលរដ្ឋខ្មែរណាម្នាក់បានបាត់បង់ជីវិត ឬរងគ្រោះថ្នាក់ដោយសារគ្រោះរញ្ជួយដីកម្រិត៧,៦វ៉ិចទ័រនៅប្រទេសជប៉ុនកាលពីថ្ងៃទី១ ខែមករា ឆ្នាំ២០២៤ កន្លងទៅនោះទេ។ ទន្ទឹមនេះ ក្រសួងការបរទេស បានអំពាវនាវពលរដ្ឋខ្មែរ ដែលកំពុងរស់នៅក្នុងប្រទេសជប៉ុន ត្រូវបន្តមានការប្រុងប្រយ័ត្នខ្ពស់ព្រមទាំងគោរព និងអនុវត្តតាមការណែនាំរបស់អាជ្ញាធរជប៉ុន ដើម្បីសុវត្ថិភាពផ្ទាល់ខ្លួន។