#ព្រែកជីកហ្វូណន តេជោ

គម្រោងព្រែកជីកហ្វូណន តេជោ កំពុងស្ថិតក្នុងដំណាក់វាស់វែង និងបោះបង្គោលកំណត់និយាមកាដំណាក់កាលទី២ ដែលមានប្រវែងជាង១៥០គីឡូម៉ែត្រ បន្ទាប់ពីបានបញ្ចប់ការវាស់វែង និងបោះបង្គោលកំណត់និយាមការដំណាក់កាលទី១កាលពីពេលថ្មីៗ។ បើតាមការអះអាងរបស់មន្រ្តីជាន់ខ្ពស់ក្រសួងសាធារណការ និងដឹកជញ្ជូន ការដោះស្រាយផលប៉ះពាល់ជូនប្រជាពលរដ្ឋអាចនឹងធ្វើឡើងក្នុងពេលឆាប់ៗនេះ ពោលគឺបន្ទាប់ពីបញ្ចប់ការវាស់វែង និងការបោះបង្គោលកំណត់និយាមកាដំណាក់កាលទីពីរនៅអំឡុងខែមេសា ខាងមុខនេះ។