#ចិន-អឺរ៉ុប-អាមេរិក

ប្រធានាធិបតីចិនស៊ី ជីនពីង កាលពីថ្ងៃព្រហស្បតិ៍ ទី១ខែធ្នូ បានទទួលជួបមន្ត្រីជាន់ខ្ពស់សហភាពអឺរ៉ុបមួយរូបទៀតហើយ ស្របពេលដែលប្រធានាធិបតីបារាំងឯណោះ ទើបតែបានស្កាត់ទៅជួបលោក ចូ បៃឌិន ដល់អាមេរិក។ ដោយក្នុងជំនួបនោះ បុរសខ្លាំងរដ្ឋចិនស៊ី ជីនពីង បាននិយាយលើកឡើងអំពីទំនាក់ទំនងផលប្រយោជន៍ផ្នែកសេដ្ឋកិច្ចរវាងចិន និងអឺរ៉ុប ហើយភាគីទាំងពីរប្ដេជ្ញា នឹងធ្វើការរួមគ្នា ដើម្បីឆ្ពោះទៅមុខជាមួយនឹងដំណើរការនៃការផ្តល់សច្ចាប័នលើកិច្ចព្រមព្រៀងវិនិយោគដែលបានជាប់គាំងផងដែរ។