#ចិនពង្រឹងការរុករកធនធានរ៉ែក្នុងស្រុក

បញ្ហាផ្ទុះឡើងវិញនូវការរាតត្បាតពីជំងឺកូវីដ ១៩ មិនមែនជាបញ្ហាតែមួយដែលប្រទេសចិនកំពុងចាត់វិធានការប្រយុទ្ធប្រឆាំងនោះទេ។ កង្វះខាតនូវធនធានរ៉ែដ៏សំខាន់ក្នុងប្រទេស ក៏ជាបញ្ហារាំរ៉ៃ ដែលចិនកំពុងខ្វាយខ្វល់ជាយូរមកហើយដែរ ពោលគឺធនធានរ៉ែសំខាន់ៗមួយចំនួនធំពឹងផ្អែកលើការនាំចូលពីប្រភពខាងក្រៅ ដើម្បីផ្គត់ផ្គង់ការផលិតក្នុងស្រុក ដោយការនាំចូលទាំងនេះ ធ្វើឲ្យចិនមានការបារម្ភយ៉ាងខ្លាំង និងខិតខំពង្រឹងការរុករកធនធានរ៉ែនៅក្នុងស្រុករបស់ខ្លួនបន្ថែមទៀត ដើម្បីធានាបាននូវសន្តិសុខថាមពលក្នុងប្រទេស។