#ច្រកទ្វារអ៊ិនធឺណិតជាតិ

ក្រសួងប្រៃសណីយ៍ និងទូរគមនាគមន៍អះអាងថា គ្មានបទបញ្ញត្តិណាមួយក្នុងអនុក្រឹត្យស្តីពីការបង្កើតច្រកទ្វារអ៊ិនធឺណិតជាតិ ចែងពីការទាញយកទិន្នន័យផ្ទាល់ខ្លួនរបស់អ្នកប្រើប្រាស់ ជាការរឹតត្បិតសេរីភាពក្នុងការបញ្ចេញមតិ និងសេរីភាពសារព័ត៌មានឡើយ។ ការបកស្រាយបែបនេះរបស់ក្រសួង ធ្វើឡើងក្រោយមានអង្គការសង្គមស៊ីវិលមួយចំនួនលើកឡើងថា ការបង្កើតអនុក្រឹត្យស្តីពីការបង្កើតច្រកទ្វារអ៊ិនធឺណិតជាតិ ជាចេតនារបស់រាជរដ្ឋាភិបាល ដើម្បីទាញយកទិន្នន័យផ្ទាល់ខ្លួនរបស់អ្នកប្រើប្រាស់ និងរឹតត្បិតសិទ្ធិសេរីភាពក្នុងការបញ្ចេញមតិជាដើម។