#ទទួលភ្ញៀវទេសចរឡើងវិញហើយ!

មន្ត្រីជាន់ខ្ពស់ក្រសួងទេសចរណ៍បានអះអាង គម្រោងបើកទទួលភ្ញៀវទេសចរដែលបានចាក់វ៉ាក់សាំង ត្រូវបានក្រសួងរៀបចំផែនការ និងទស្សនទានទេសចរណ៍រួចហើយ ហើយបច្ចុប្បន្ន គម្រោងបើកទទួលភ្ញៀវទេសចរបរទេសនេះ កំពុងរង់ចាំការអនុម័តពីរាជរដ្ឋាភិបាលកម្ពុជា ហើយក៏រំពឹងថា នឹងត្រូវបានអនុម័តក្នុងពេលឆាប់ៗខាងមុខនេះ។ ជុំវិញគម្រោងបើកទទួលភ្ញៀវទេសចរបានចាក់វ៉ាក់សាំងរួចនេះដែរ អ្នកជំនាញក្នុងវិស័យទេសចរណ៍ ជំរុញឲ្យរដ្ឋបាលខេត្ត ក៏ដូចជាក្រសួងស្ថាប័នពាក់ព័ន្ធ រៀបចំផលិតផល និងពង្រឹងគុណភាពសេវាកម្មទេសចរណ៍ ដើម្បីត្រៀមទទួលភ្ញៀវទេសចរបរទេសជាដំណាក់កាល។