#ទទួលទេសចរណ៍

ទីបំផុត ប្រទេសកម្ពុជាក៏បានប្រកាសបើកទទួលទេសចរអន្តរជាតិឡើងវិញ ក្រោមទម្រង់ជា «ទេសចរណ៍វ៉ាក់សាំង» បន្ទាប់ពីវិស័យទេសចរណ៍ បានរងគ្រោះដោយវិបត្តិកូវីដ-១៩ ជាង ២ឆ្នាំមកនេះ ។ យោងតាមសេចក្ដីជូនដំណឹងរបស់ក្រសួងទេសចរណ៍ នៅថ្ងៃទី២៦ ខែតុលា កម្ពុជា សម្រេចបើកទទួលទេសចរអន្តរជាតិឡើងវិញ ដែលបានចាក់វ៉ាក់សាំងរួច ចាប់ពីថ្ងៃទី៣០ ខែវិច្ឆិកា តទៅ បន្ទាប់ពីករណីឆ្លងកូវីដ-១៩ នៅកម្ពុជា ចាប់ផ្ដើមមានភាពធូរស្បើយឡើងវិញ ដោយក្រសួងបានជ្រើសយកខេត្តព្រះសីហនុ និងកោះកុង ជាខេត្តគោលដៅ ដំបូងក្នុងការចាប់ផ្ដើមនេះ។