#ធនាគារកណ្តាលថៃ

ស្របពេលរដ្ឋាភិបាលថៃ បានស្នើឲ្យធនាគារកណ្តាលរបស់ប្រទេសដែលជាស្ថាប័នឯករាជ្យបញ្ចុះអត្រាការប្រាក់ សហព័ន្ធឧស្សាហកម្មថៃ ក៏បានស្នើសុំឲ្យធនាគារកណ្តាលនេះពិចារណាកាត់បន្ថយអត្រាការប្រាក់នៅឆមាសទីពីរខាងមុខ ដើម្បីសម្រាលបន្ទុកហិរញ្ញវត្ថុរបស់សហគ្រាសធុនតូច និងមធ្យម ដែលកំពុងប្រឈមមុខនឹងការប្រកួតប្រជែងកាន់តែខ្លាំងផងដែរ។ កាលពីពេលថ្មីៗកន្លងទៅនេះ គណៈកម្មាធិការគោលនយោបាយរូបិយវត្ថុរបស់ធនាគារកណ្តាលថៃ បានបោះឆ្នោតរក្សាអត្រាការប្រាក់ឱ្យនៅដដែល តែរដ្ឋាភិបាលថា អត្រានេះជាកម្រិតខ្ពស់ហួសពីសមត្ថភាពរបស់សហគ្រិននៅក្នុងប្រទេស។