អាមេរិកនឹងអញ្ជើញក្រុមមេដឹកនាំនៅតំបន់ប៉ាស៊ីហ្វិក ទៅចូលរួមកិច្ចប្រជុំកំពូលនៅសេតវិមានដើម្បីរឹតចំណងការទូត
ដោយ
រដ្ឋបាលរបស់ប្រធានាធិបតីអាមេរិកលោក Joe Biden គ្រោងនឹងបង្កើនទំនាក់ទំនងការទូតជាមួយបណ្តាប្រទេសកោះនៅតំបន់ប៉ាស៊ីហ្វិក ដោយអញ្ជើញមេដឹកនាំនៃប្រទេសទាំងនេះទៅកាន់សេតវិមាននៅចុងឆ្នាំនេះ ដើម្បីជួបគ្នាពិភាក្សាលើបញ្ហាសំខាន់ៗមួយចំនួន ដែលអាមេរិកហៅថា ជាការរឹតចំណងទំនាក់ទំនងរវាងអាមេរិក និងតំបន់ប៉ាស៊ីហ្វិកផងដែរ។ នេះបើយោងតាមអ្នកសម្របសម្រួលសម្រាប់កិច្ចការតំបន់ឥណ្ឌូប៉ាស៊ីហ្វិក គឺលោក ឃឺត ខេមបែល (Kurt Campbell) បានបង្ហើបឱ្យដឹងនៅថ្ងៃចន្ទ ទី២ ខែឧសភានេះ។