#ទីផ្សារនាំចេញម្រេចកំពត ឆ្នាំនេះអាចនឹងល្អជាងឆ្នាំមុន

ប្រធានសមាគមម្រេចកំពត បានអះអាងថា ម្រេចកំពតឆ្នាំនេះ មិនមានការព្រួយបារម្ភអំពីបញ្ហាទីផ្សារនាំចេញនោះទេ ដោយសារតែការបញ្ជាទិញពីក្រុមហ៊ុនបរទេសមានភាពល្អប្រសើរជាងជាងឆ្នាំមុន ខណៈក្រុមកសិកររបស់សមាគមបានចុះកុងត្រានាំចេញជាមួយក្រុមហ៊ុនរួចរាល់ហើយដែរ។ មកទល់ពេលនេះ ការប្រមូលផលម្រេចកំពត ប្រមូលផលបានប្រមាណជាង ៥០% ហើយ ប៉ុន្ដែ ការប្រមូលផលក៏កំពុង ប្រឈមផលប៉ះពាល់តិចតួចដែរ ដោយសារតែអាកាសធាតុមានភ្លៀងធ្លាក់ច្រើន ពិបាកក្នុងការហាលសម្ងួតម្រេចផងដែរ។