#ទីផ្សារដំឡូងមី កសិកម្មតាមកិច្ចសន្យា

កសិផលរបស់កម្ពុជាមិនថា ម្រេច ដំឡូងមី ពោត ស្រូវនោះទេ តែងតែមានការប្រែប្រួលតម្លៃទីផ្សារ នៅពេលដែលមានការប្រមូលផលម្ដងៗ។ តួយ៉ាង ឆ្នាំខ្លះលក់បានថ្លៃ ឆ្នាំខ្លះបានថោក! ម្ដងតក់ ម្ដងនាល! ទៅតាមការប្រែប្រួលនៃទីផ្សារសកល ឬពេលខ្លះដោយសារការក្រឡុកទីផ្សារពីសំណាក់ឈ្មួញកណ្ដាលជាដើម។ ដើម្បីធានាបាននូវសង្វាក់តម្លៃទីផ្សារកសិផល ពិសេសកសិផលដំឡូងមី រាជរដ្ឋាភិបាលកម្ពុជា តាមរយៈក្រសួងពាណិជ្ជកម្ម បានជំរុញឲ្យកសិករ និងអ្នកនាំចេញ គួរតែផ្ដោតលើការធ្វើកសិកម្មតាមកិច្ចសន្យា ឬហៅថា Contract Farming ទើបជាការប្រសើរ។