#ទណ្ឌកម្មលើក្រុមហ៊ុនចិន

ទំនាក់ទំនងរវាងអាមេរិក និងចិន ដែលហាក់ដូចជាថយចុះកម្ដៅបានរយៈពេលខ្លីនោះ ឥឡូវបានចាប់ផ្ដើមក្ដៅដូចទឹកពុះឡើងវិញហើយ។ ជាក់ស្ដែងនៅថ្ងៃព្រហស្បតិ៍ទី២៧មករា អាមេរិកបានដាក់ទណ្ឌកម្មលើក្រុមហ៊ុនចិនមួយ ដែលទីក្រុងវ៉ាស៊ីនតោន ចោទប្រកាន់ថា បានផ្តល់រូបភាពផ្កាយរណបនៃប្រទេសអ៊ុយក្រែន ដើម្បីជួយដល់ក្រុមទាហានស៊ីឈ្នួលរបស់រុស្ស៊ីឈ្មោះ Wagner។ នេះបើតាមការចុះផ្សាយដោយទីភ្នាក់ងារសារព័ត៌មានបារាំង AFP។