#ទស្សនកិច្ចផ្លូវការ

កោះតៃវ៉ាន់នៅថ្ងៃពុធទី០៣វិច្ឆិកា ជាថ្ងៃប្រវត្តិសាស្ត្ររបស់ខ្លួន ដែលបានទទួលស្វាគមន៍សមាជិកសភារបស់សហភាពអឺរ៉ុប មកទស្សនកិច្ចនៅដែនកោះរបស់ខ្លួន។ ថ្នាក់ដឹកនាំកោះតែវ៉ាន់ បានហៅការមកដល់នេះថា ជាដំណើរឆ្ពោះទៅរកការពង្រឹងចំណងមិត្តភាពកាន់តែរឹងមាំ រវាងកោះតៃវ៉ាន់ និងអឺរ៉ុប ស្របពេលដែលភាពតានតឹងជាមួយចិនឯណោះវិញ ក៏កំពុងឡើងកំដៅខ្លាំងមិនធ្លាប់មានពីមុនមក។ នេះបើតាមការចុះផ្សាយដោយទីភ្នាក់ងារសារព័ត៌មានរ៉យទ័រ។