ស្ថាប័នហិរញ្ញវត្ថុ S&P៖ តំបន់អាស៊ីប៉ាស៊ីហ្វិក នឹងជាក្បាលម៉ាស៊ីនដឹកនាំកំណើនសេដ្ឋកិច្ចសកលនៅឆ្នាំ២០២៣
ដោយ
ស្ថាប័នហិរញ្ញវត្ថុដ៏ធំរបស់អាមេរិកគឺ S&P Global បានប៉ាន់ស្មានថា សេដ្ឋកិច្ចតំបន់អាស៊ីប៉ាស៊ីហ្វិកនឹងនាំមុខគេ ហើយជះឥទ្ធិពលគ្រប់ដណ្តប់សេដ្ឋកិច្ចសកលទាំងមូលតែម្តងនៅប៉ុន្មានឆ្នាំខាងមុខនេះ ដោយគិតចាប់ពីឆ្នាំ២០២៣តទៅ។ ក្នុងនោះ ស្ថាប័ន S&P ព្យាករ តំបន់អាស៊ីប៉ាស៊ីហ្វិកនឹងសម្រេចបានកំណើនសេដ្ឋកិច្ច ៣,៥% នៅឆ្នាំក្រោយ ស្របពេលដែលសេដ្ឋកិច្ចធំៗដូចជាអាមេរិក និងអឺរ៉ុបប្រឈមមុខនឹងការធ្លាក់ចូលក្នុងវិបត្តិកាន់តែខ្លាំង។ នេះបើតាមការចុះផ្សាយដោយសារព័ត៌មាន CNBC។