#គម្រោង​ភូមិ​កីឡដ្ឋាន វើ​ល​ដ៍​ប្រ៊ី​ដ​

បន្ទាប់ពីពហុកីឡដ្ឋានមរតតេជោតម្លៃជិត ១៦០លានដុល្លារត្រូវបានភាគីចិនប្រគល់ឲ្យកម្ពុជាជាផ្លូវការ ដើម្បីត្រៀមខ្លួនធ្វើជាម្ចាស់ផ្ទះការប្រកួតកីឡាស៊ី ហ្គេម និងអាស៊ានប៉ារ៉ាហ្គេមឆ្នាំ២០២៣ហើយនោះ អ្នកជំនាញបាន អះអាងថា នៅមានគម្រោងដ៏សំខាន់មួយទៀត ដែលនឹងត្រូវចូលខ្លួនមកជួយសាងនូវកំណត់ត្រាប្រវត្តិសាស្ត្រសម្រាប់កម្ពុជាក្នុងការរៀបចំព្រឹត្តិការណ៍កីឡាថ្នាក់តំបន់ដ៏ធំមួយនេះ។ នោះគឺគម្រោង ភូមិកីឡដ្ឋានវើលប្រ៊ីដ (WB Sport Village) ឬហៅថាបុរីកីឡា ដែលបច្ចុប្បន្នកំពុងសម្រុកការសាងសង់យ៉ាងសកម្ម ហើយវាជាគម្រោងភូមិកីឡដ្ឋានដ៏ធំស្កឹមស្កៃ។