#គម្រោងអភិវឌ្ឍន៍មជ្ឈមណ្ឌលភស្តុភារកម្មខេត្តព្រះសីហនុ

រាជរដ្ឋាភិបាលកម្ពុជាមានមហិច្ឆតាអភិវឌ្ឍប្រទេសឲ្យក្លាយជាមជ្ឈមណ្ឌលភស្ដុភារកម្មប្រចាំមហាអនុតំបន់ទន្លេមេគង្គ។ តួយ៉ាង ក្រសួងសាធារណការ និងដឹកជញ្ជូន នៅថ្ងៃទី១៩ខែមេសានេះ ទើបតែបានចុះកិច្ចព្រមព្រៀងជាមួយសាជីវកម្មហិរញ្ញវត្ថុអន្តរជាតិ (IFC) ដើម្បីសិក្សាគម្រោងភស្តុភារកម្មនៅខេត្តព្រះសីហនុ ដែលគ្រោងធ្វើឡើងអំឡុងនៅខែឧសភា ខាងមុខ ដោយការសិក្សានេះគ្រោងចំណាយថវិកាជាង២លានដុល្លារក្នុងរយៈពេល១២ខែ។