#គោលនយោបាយចិនតែមួយ

រដ្ឋាភិបាលទីក្រុងប៉េកាំងបានព្រមាន នៅថ្ងៃទី ១៩ ខែកក្កដាថា ខ្លួននឹងចាត់វិធានការទាំងបង្ខំចិត្តដើម្បីឆ្លើយតប ប្រសិនបើប្រធានសភាសហរដ្ឋអាមេរិក លោកស្រី ណានស៊ី ផេឡូស៊ី (Nancy Pelosi) ពិតជាហ៊ានធ្វើទស្សនកិច្ចទៅកាន់កោះតៃវ៉ាន់មែននោះ។ ការឆ្លើយតបព្រមានទុកមុនពីសំណាក់ទីក្រុងប៉េកាំងយ៉ាងដូច្នេះ គឺធ្វើឡើង បន្ទាប់ពីកាសែត Financial Times បានចុះផ្សាយថា លោកស្រីនឹងទៅទស្សនកិច្ចកោះតៃវ៉ាន់នេះនៅខែក្រោយ។