#គ្រឿងសំណង់

ការធ្លាក់ចុះតម្លៃដែក និងដែកថែបសកលដោយសារការធ្លាក់ចុះតម្រូវការពីប្រទេសធំៗ បានទាញទម្លាក់តម្លៃដែកនៅកម្ពុជាឲ្យមានការធ្លាក់ចុះគួរឲ្យកត់សម្គាល់នៅមួយរយៈចុងក្រោយនេះ។ បើតាមការគូសបញ្ជាក់របស់ក្រុមអ្នករកស៊ីក្នុងវិស័យនេះ តម្លៃដែកនៅកម្ពុជាមានការធ្លាក់ចុះចន្លោះពី៥%ទៅ១០% ដែលការធ្លាក់ចុះត្រូវបានសន្និដ្ឋានថា អាចបណ្តាលមកពីការធ្លាក់ចុះតម្លៃប្រេងឥន្ធនៈ និងការធ្លាក់ចុះវិស័យសំណង់នៅក្នុងប្រទេសធំៗ ជាពិសេសចិនតែម្តង។ ការធ្លាក់ចុះនៃតម្លៃដែកនេះ ក៏កំពុងផ្តល់ក្តីសង្ឃឹមដល់ក្រុមហ៊ុនម៉ៅការសាងសង់ និងអ្នកអភិវឌ្ឍន៍អគារលំនៅឋានផងដែរ។