#គ្រឹះស្ថានធនាគារ

គ្រឹះស្ថានធនាគារ និងហិរញ្ញវត្ថុនៅកម្ពុជាបានឯកភាពគាំទ្រគំនិតផ្តួចផ្តើមលើការបន្ធូរបន្ថយការប្រាក់លើកម្ចីសម្រាប់ការអភិវឌ្ឍលំនៅឋាន និងទិញអចលនទ្រព្យមកត្រឹម៨%ក្នុងមួយឆ្នាំ ដែលអត្រាការប្រាក់ថ្មីនេះនឹងផ្តល់ឱ្យអតិថិជនទិញលំនៅឋាននូវលទ្ធភាពអនុវត្តកាតព្វកិច្ចសងត្រឡប់កាន់តែមានភាពងាយស្រួល។ ការឯកភាពនេះ ធ្វើឡើងក្នុងកិច្ចពិភាក្សាការងារវេទិការាជរដ្ឋាភិបាល-ផ្នែកឯកជនរវាងក្រសួងរៀបចំដែនដី នគរូបនីយកម្ម និងសំណង់ជាមួយធនាគារជាតិនៃកម្ពុជា និងបណ្តាគ្រឹះស្ថានធនាគារ និងហិរញ្ញវត្ថុ និងភាគីពាក់ព័ន្ធមួយចំនួនទៀត។