#ILO

ពលករ១០០លានធ្លាក់ក្នុងភាពក្រីក្រដោយសារកូវីដសិន។ ចាប់តាំងពីមានរោគរាតត្បាតជាសកលកូវីដ១៩ មកទល់ពេលនេះ បានរុញច្រានឲ្យកម្មករ និងពលករនៅជុំវិញពិភពលោកច្រើនជាង ១០០លាននាក់ ឲ្យធ្លាក់ក្នុងភាពក្រីក្រ ដោយសារតែការកាត់បន្ថយម៉ោងធ្វើការប្រចាំថ្ងៃ បូករួមនឹងការពិបាកស្វែងរកការងារល្អៗធ្វើ។ នេះបើតាមរបាយការណ៍ប្រចាំឆ្នាំពីអង្គការពលកម្មអន្តរជាតិ ដែលជាភ្នាក់ងារនៃអង្គការសហប្រជាជាតិ ហើយត្រូវបានសារព័ត៌មានអន្តរជាតិធំៗជាច្រើនយកមកចុះផ្សាយ។