#ឥណ្ឌាអាចរក្សាតំណែងប្រទេសមានកំណើនសេដ្ឋកិច្ចលឿន

ប្រទេសឥណ្ឌាបានកត់ត្រាពីកំណើនសេដ្ឋកិច្ចក្នុងតួលេខពីរខ្ទង់ដ៏រឹងមាំកាលពីត្រីមាសទី២ឆ្នាំនេះ ប៉ុន្តែក្រោមការស្ទង់មតិដោយ Reuters ជាមួយសេដ្ឋវិទូជាច្រើនបានបង្ហាញឲ្យឃើញថា កំណើនខ្ពស់នៃសេដ្ឋកិច្ចឥណ្ឌានឹងមិនមានស្ថិរភាពនោះទេ ពោលគឺនឹងធ្លាក់ចុះមកវិញឆាប់ៗ។ ការរអិលចុះមកវិញរបស់សេដ្ឋកិច្ចធំលំដាប់ទី៣របស់អាស៊ីមួយនេះ ដោយសារប្រទេសនេះកំពុងប្រឈមនឹងភាពអត់ការងារធ្វើ និងអតិផរណាខ្ពស់ ដែលត្រូវគេប៉ាន់ស្មានថា នឹងបន្តរហូតដល់ពេញមួយឆ្នាំ២០២២។ នេះបើតាមការចុះផ្សាយដោយសារព័ត៌មានរ៉យទ័រ។