#ជប៉ុនគ្រោងរៀបចំកិច្ចប្រជុំជាមួយស្រីលង្កាស្តីពីវិបត្តិបំណុល

បើតាមប្រភពច្បាស់ការ ដែលដឹងអំពីផែនការបានប្រាប់ទីភ្នាក់ងាររ៉យទ័រថា ប្រទេសជប៉ុន ដែលជាម្ចាស់បំណុលធំជាងគេរបស់ស្រីលង្កានោះ គ្រោងរៀបចំនូវកិច្ចប្រជុំ ក្រុមប្រទេសម្ចាស់បំណុលជាមួយស្រីលង្កា ដោយទីក្រុងតូក្យូសង្ឃឹមថា វាអាចជួយដោះស្រាយវិបត្តិបំណុលវណ្ឌករបស់ប្រទេសអាស៊ីខាងត្បូងមួយនេះ ប៉ុន្តែមិនប្រាកដថាអាចនឹងសម្រេចបានផ្លែផ្កាអ្វីមួយនោះទេ ខណៈដែលប្រទេសចិនដែលជាម្ចាស់បំណុលដ៏ធំរបស់ស្រីលង្កាដែរនោះ ហាក់នៅមានជំហរស្ងៀមស្ងាត់នៅឡើយ។