#ជប៉ុនបរិច្ចាគវ៉ាក់សាំងឲ្យថៃ

រដ្ឋមន្ត្រីក្រសួងសុខាភិបាលថៃ បានអះអាង នៅដើមសប្ដាហ៍នេះថា រដ្ឋាភិបាលជប៉ុននឹងបរិច្ចាគវ៉ាក់សាំងកូវីដ-១៩ ប្រភេទ AstraZeneca មកឲ្យប្រទេសថៃនៅអំឡុងខែកក្កដាខាងមុខនេះ ចំពេលដែលប្រទេសថៃ កំពុងតែត្រូវការវ៉ាក់សាំងបន្ថែមទៀត ដើម្បីពន្លឿនដល់កម្មវិធីចាក់វ៉ាក់សាំងរបស់ខ្លួន។ ប្រទេសថៃ ក៏នឹងក្លាយជាប្រទេសទី២នៅអាស៊ាន បន្ទាប់ពីវៀតណាម ដែលជប៉ុននឹងបរិច្ចាគវ៉ាក់សាំងជូន ខណៈដែលថ្មីៗនេះ វៀតណាមក៏ទើបតែទទួលបានវ៉ាក់សាំងពីជប៉ុនជាង ១លានដូសរួចហើយដែរ។