ព្រះមហាក្សត្រម៉ាឡេស៊ីនឹងជ្រើសតាំងនាយករដ្ឋមន្ត្រីថ្មី ខណៈការបោះឆ្នោតកំពុងជួបវិបត្តិ
ដោយ
ព្រះមហាក្សត្រម៉ាឡេស៊ី អាល់ ស៊ុលតង់ អាប់ឌុលឡា (Al-Sultan Abdullah) ទ្រង់បានប្រកាសកាលពីថ្ងៃអង្គារថា ព្រះអង្គនឹងជ្រើសតាំងនាយករដ្ឋមន្ត្រីម៉ាឡេស៊ីថ្មីបន្ទាប់ពីគូប្រជែងនាំមុខគេចំនួន ២ រូបមិនបានឈ្នះសំឡេងភាគច្រើននៅក្នុងការបោះឆ្នោតកាលពីចុងសប្តាហ៍មុន ហើយសំណើរបស់ព្រះអង្គដែលស្នើសុំឱ្យអ្នកទាំង២ធ្វើការជាមួយគ្នាត្រូវបានបដិសេធ។ នេះបើតាមការចេញផ្សាយរបស់ទីភ្នាក់ងាររ៉យទ័រ។