#ការ​ដាក់​ទណ្ឌកម្ម​

រដ្ឋមន្ត្រីការបរទេសអង់គ្លេសលោកស្រី Liz Truss និយាយថា ទណ្ឌកម្មដែលដាក់លើបុគ្គល និងក្រុមហ៊ុនរុស្ស៊ីអាចនឹងត្រូវបានដកចេញវិញបាន ប្រសិនបើរុស្ស៊ីដកទ័ពចេញពីអ៊ុយក្រែន ហើយប្តេជ្ញាបញ្ចប់ការឈ្លានពាននៅទីនោះ។ ការអះអាង របស់ប្រមុខការទូតអង់គ្លេសរូបនេះ ធ្វើឡើងនៅគ្រាដែលកាលពីសប្ដាហ៍មុននេះ សហភាពអឺរ៉ុប និងអាមេរិកក៏ទើបតែបានប្រកាសពីការដាក់ទណ្ឌកម្មថ្មីៗបន្ថែមទៀតទៅលើរុស្ស៊ី ប៉ុន្ដែ ភ្លើងសង្គ្រាមហាក់នៅតែបន្ដឆេះឆួលក្ដៅងំដដែល។ នេះបើយោងតាមការចុះផ្សាយដោយទីភ្នាក់ងារសារព័ត៌មានរ៉យទ័រ។