#ការពង្រឹងសន្តិសុខ

រដ្ឋមន្ត្រីការបរទេសចិនលោក វ៉ាង យី នៅថ្ងៃចន្ទសប្តាហ៍នេះ បានជួបប្រជុំជាមួយសមភាគីមកពីប្រទេសកោះនៅប៉ាស៊ីហ្វិកចំនួន ១០ ដែលកិច្ចប្រជុំនេះធ្វើឡើងក្នុងប្រទេសហ្វីជី។ កិច្ចប្រជុំ ដែលស្ថិតនៅក្នុងក្រសែភ្នែកតាមមើលយ៉ាងដិតដល់របស់អាមេរិក និងអូស្ត្រាលីនេះ ធ្វើឡើង នៅអំឡុងដំណើរទស្សនកិច្ចការទូតរបស់លោក វ៉ាង យីមកកាន់តំបន់ប៉ាស៊ីហ្វិក ជាមួយនឹងមហិច្ឆតាធំ ក្នុងការពង្រឹងទំនាក់ទំនងសន្តិសុខកាន់តែទូលំទូលាយរវាងទីក្រុងប៉េកាំងជាមួយបណ្តាប្រទេស និងជាពិសេសកោះតូចធំនៃតំបន់ប៉ាស៊ីហ្វិក។