#ការចាប់ផ្ដើមបើកទទួលរបស់ថៃ

ប្រទេសថៃក្បែរខាងកម្ពុជាបានចាប់ផ្ដើមបើកទទួលពលករខ្មែរឲ្យចូលធ្វើការនៅក្នុងប្រទេសខ្លួនជាបណ្ដើរៗឡើងវិញហើយ បន្ទាប់ពីរាជរដ្ឋាភិបាលនៃប្រទេសទាំងពីរបានចុះហត្ថលេខាលើអនុស្សរណៈយោគយល់គ្នាកាលពីខែធ្នូឆ្នាំ២០២១ ទាក់ទងនឹងការទទួលយកពលករឲ្យចូលទៅធ្វើការនៅប្រទេសថៃអំឡុងពេលមានកូវីដ១៩បន្ដរាតត្បាត។ បើតាមការរាយការណ៍ពីកាសែតបាងកកប៉ុស្ដិ៍ យ៉ាងហោចណាស់ នឹងមានពលករខ្មែរចំនួន ២២៦នាក់ ដែលជាក្រុមដំបូង នឹងទៅដល់ទឹកដីប្រទេសថៃ ដើម្បីធ្វើការនៅថ្ងៃអង្គារសប្ដាហ៍ក្រោយនេះហើយ។