#ការចរចាអំពីកម្រិតពិដានបំណុលរបស់អាមេរិក

ប្រធានាធិបតីសហរដ្ឋអាមេរិក លោក ចូ បៃឌិន បាននិយាយកាលពីថ្ងៃសៅរ៍ទី ១៣ ឧសភា ថា កិច្ចពិភាក្សាជាមួយសភាស្តីពីការដំឡើងកម្រិតបំណុលអតិបរមារបស់រដ្ឋាភិបាលសហរដ្ឋអាមេរិកកំពុងដំណើរការទៅមុខ ហើយគេនឹងដឹងអំពីវឌ្ឍនភាពនៃរឿងនេះបន្ថែមទៀតនៅប៉ុន្មានថ្ងៃនាដើមសប្ដាហ៍នេះ។ ការចេញមកអះអាងរបស់លោក ចូ បៃឌិន យ៉ាងដូច្នេះ បន្ទាប់ពី គម្រោងជំនួបរវាងលោក និងលោកម៉ាកខាធីប្រធានសភាអាមេរិក កាលពីថ្ងៃទី ១២ឧសភា ត្រូវបានលុបចោល។ នេះបើយោងតាមទីភ្នាក់ងារសារព័ត៌មានរើយធឺ។