#ការទទួលបរាជ័យ

រដ្ឋមន្ត្រីការពារជាតិរុស្ស៊ីលោក Sergei Shoigu កាលពីថ្ងៃពុធ ទី ៩ វិច្ឆិកា បានបញ្ជាឱ្យកងទ័ពរបស់ខ្លួនដកចេញពីទីក្រុងយុទ្ធសាស្ត្រខឺសុន (Kherson) របស់អ៊ុយក្រែន ដែលខ្លួនបានកាន់កាប់ចាប់តាំងពីដើមដំបូងនៃសង្គ្រាម ដោយដកទៅតាំងទីនៅផ្នែកម្ខាងទៀតនៃទន្លេឌីមីប្រូ (Dnipro) ដើម្បីធ្វើជាខ្សែការពារវិញ។ ការដោះបង់ចោលទីក្រុងដ៏សំខាន់ដែលរុស្ស៊ីបានកាន់កាប់នេះ កើតឡើងចំពេលដែលមេទ័ពកំពូលអាមេរិកថា មានជីវិតទាហានរុស្ស៊ីប្រហែល១០ម៉ឺននាក់បានស្លាប់ និងរបួសក្នុងសង្គ្រាមជិត៩ខែមកនេះជាមួយអ៊ុយក្រែន។ នេះបើតាមការចុះផ្សាយដោយសារព័ត៌មានរ៉យទ័រ។