ពលរដ្ឋលីទុយអានី ជឿជាក់ណាតូនឹងចេញមុខជួយ ក្រោយរងការគំរាមគំហែងពីរុស្ស៊ី
ដោយ
ប្រទេសរុស្ស៊ីបានគំរាមផ្ដន្ទាទោសតបតទៅលើប្រទេសលីទុយអានី ជុំវិញការដែលប្រទេសសមាជិកអង្គការណាតូមួយនេះ បានរារាំងការដឹកជញ្ជូនទំនិញតាមដែកទៅកាន់តំបន់កាលីនីងរ៉ាដ (Kaliningrad) របស់ទីក្រុងមូស្គូ កាលពីថ្ងៃអង្គារសប្ដាហ៍នេះ។ ការគំរាមកំហែងរបស់រុស្ស៊ីនេះ បានបង្កឱ្យការភ័យព្រួយសម្រាប់ប្រជាពលរដ្ឋរស់នៅទូទាំងតំបន់ព្រំដែន ក្បែរតំបន់កាលីនីងរ៉ាដ យ៉ាងខ្លាំង ក៏ប៉ុន្ដែ ពួកគេមានការជឿជាក់ថា អង្គការណាតូ នឹងចេញមុខជួយខ្លួន ដើម្បីរារាំងសកម្មភាពយោធាដ៏មានសក្តានុពលណាមួយនាពេលអនាគត។